§§ 新春絮絮唸 §§
【好的，標題那些
§，其實是新年爆竹來的。好神似吧！】
- 年初四開工大吉。其實早開工我都無所謂，反正都無年拜。不過懶骨頭總是喜歡放假窩在家裡發呆。新年願望是中一票足夠一年唔使做的六合彩，放足一年大假！(其實我都好踏實的，不過是一年唔使做啫，都無奢求一世唔憂，上天就睇在我知足的品性比我中少少啦好冇?!?! 例如買5蚊比我中廿蚊，都叫有3倍回報啊 ~~~)
- 天氣冷如斯，每天都睡意滿滿的上班去。呆在座位一整天，腦筋都轉不過來，連入excel等不用腦的工作也進行困難，好！可！怕！
- 研究好了流年擺設，兩個病位用幾串萬字夾掛起化咗佢，再係北面放好四枝富貴竹旺一旺文昌。一年下來無病痛無Sick Leave無做錯野，年尾出番個零病假bonus比我，就當旺埋個財位！其實，我真係好！知！足！的！！！！
- 富貴竹旁邊是年廿八去聽Mahler時送的情人節曲奇，九龍酒店的出品，一直放到今天。蝴蝶結牽著的小紙牌原來是九龍酒店的餐飲八折卡！老實說，第一次聽Mahler，不太喜歡。他的音樂，我看不出圖畫，讀不出詩意，又拍不出電影！我不喜歡詠物誌囉，不論體裁！(ok，其實沒有人這樣評音樂的吧…)
- 過年前買的一堆煎炸，不出所料，幾乎被爸爸全幹掉了！要不是媽媽秘密地收起一個花花，我連一丁點都吃不到！！！然後爸爸竟然說那個芋蝦不夠鬆化 (他可是把全包幹掉啊，我和媽媽才每人吃了兩個！) ，下年如果買唔到陳意齋，就由他來炸好了！！！！我當了他女兒廿幾卅年，都唔知道他會炸！芋！蝦！！好驚！！十萬個驚！！
- 有人送我一副眼鏡當生日禮物，正在配鏡片今晚就可以取回了。好開心！
- 這個眼鏡，少說其實也左揀右揀揀了接近成年才看上的！話說其實我已經有一副黑膠的了，可是那個鼻托不太適合亞洲人的扁鼻哥 (好了，我知道可能只是我的鼻哥扁…)，比較貼面很不舒服。於是一直在找尋一副舒適的膠框。就在09年尾 (大概是那個時候罷，我記性差…)，終於找到一副又舒服又合面型的Oliver Peoples，於是有人就說要買來送我做生日禮物。點知呢，過兩星期再去，眼鏡已經‧賣‧掉‧了‧！唯有繼續我的尋框之旅… 幾乎天天看，逢眼鏡店都看。終於大年初三在金鐘O-O (又是溥儀的魔掌！) ，竟然看上了幾唔鍾意的品牌Lindberg，同一副Mykita。論質數同個人的品牌鍾愛度，Mykita當然勝出幾條彌敦道啦，但那副Lindberg，出奇地夾鼻型同面型喎！而且，不知何故，呢副框的手工，出奇的精緻 (同其他Lindberg比，同Mykita係冇得比的)，彷彿同其他Lindberg唔同廠甘喎！周旋在兩副框之中，最後還是要了副Lindberg，今晚就有新鏡戴，YAY！
- 好高興的還有O-O那個招待我們的棒棒堂哥仔，竟然主動給我們折扣啊！旁邊那些大陸人問都沒有得折啊！而且係今次買完問下次再買，都係冇得折啊！終於在零售商店得到比大陸人優厚的待遇，真是讓我好感動啊！(當你有過無數次售貨員忙著招呼大陸豪客唔理你的經驗，然後再遇到還肯認真和珍惜本地奀客的店舖，你也會像我一般感動…)
溥儀1881正在舉行【LINDBERG珍貴眼鏡展】，有興趣的朋友可以一去。我自己連Heritage 1881也未去過，莫論那裡的溥儀1881了… 其實也是一個原因：怕咗大陸d同胞！
No comments:
Post a Comment