。雞翼。啤酒。世界杯。

昨晚OT到8點幾 (其實最近做Year Plan晚晚都係8點幾9點幾仲試過10點幾囉)，爬完樓梯回到家拖完地(！)，胳甩底濕晒！(開著冷氣喇喎咩事先！)

然後呢，大字型攤在沙發上咬雞翼隊啤酒，爽！(ok，其實還幹掉了整棵西蘭花)

麥噹噹的炸雞翼同冰凍的啤酒真係絕配來的。不過是次的重點在於那支啤酒！

那支啤酒… 是假野來的！貼紙上標明0% Alcohol。
(手機影到張相濛成甘，其實沒有人看到那支啤酒的貼紙的)
味道呢？
沒！有！層！次！
即係呢，又不是好難飲，但又不能說成是好味道，好複雜…

啤酒，我還是只喝Hoegaarden，大口灌到喉嚨，啤酒的甘香未散又有橘子的香氣浮上來滲到齒頰，爽爽爽！碰上沒供應Hoegaarden的店，可能會要Stella Artois或者Heineken。其他的，要不是感覺好麻甩 (有一次大伙兒去豬手店，同桌的吃友竟然人人手執一杯盧雲堡！盧雲堡喎! 仲係半Lit一Lit甘黎喎，「盧雲堡」不是兒時那些大叔才會失驚無神係7仔或者路邊到隊的嗎? 仲要係粉藍色鋁罐架嘛！)，就是味道單薄。

週末德國4比0阿根廷的時候，開波前我就唔小心叫支Corona，唉，咪就係味道單薄，好似飲啤酒味道的梳打水 (?!)。早知就黎半打青島啦。友們狂隊 (阿根廷輸第3球開始，一檯人進入真係「隊」的狀態囉，唉) 的Budweiser，不好，因為紅噹噹。甘又點呢，都係感覺好麻甩囉…(！) 而且呢，每次見到Budweriser我都想起千杯不醉楊千嬅，好驚囉老實講。結果呢，中場開始我就變隊熱檸蜜…(！！！)

那場阿根廷，輸3球時全世界都突然生意失敗甘樣！第4球，慘過死老竇…唉。
我的觀後感：唉，生得細粒真係慘，跑又唔夠人快，跳又唔夠人高。〈完〉

不過呢，見到美斯喊啊，真係好陰公，畢竟都係小朋友。

阿根廷後，我的世界盃已經完結，沒有人會再拉我去睇波啦。而我呢，亦無咩機會出街隊啤酒。

是啊，我其實好少係出面飲啤酒的。一個世界杯飲我四年的Quota架喇。
平常，我都是攤在家裡的沙發上咬著麥噹噹雞翼隊啤酒的。