醫生與我 / Vitaminwater

醫生與我

• 昨天以為好了，今天忽然咳翻了天，鼻水也忽然洶湧如泉，莫名其妙
• 我的醫生，成日寸我的。可是我病了還是會找他。病的時候，有個寸咀同你玩下，總好過對住個木獨亞叔，睇病越睇越沮喪
• 我其實一直都唔知醫生個樣係點的，因為醫生永遠都戴著口罩診症。不過呢，我估佢都應該最多三十零，再老d既醫生其實好少甘寸咀
  
• 即係呢，其實醫生佢兜口兜面撞埋黎我都唔知佢係我醫生。因此，我懷疑，醫生其實成日都係附近見到我，而我又唔知佢係醫生，加上我係屋企範圍出現個樣通常都有d膠膠地，於是趁我病就寸我
• 例如幾日前：「我會唔會豬流感啊」「甘你有冇發燒」「冇呀」「人地豬流感呀有38度，你有先諗啦」
• 臨走佢又話：「睇下一次好唔好到啦，唔係就睇下呢次要睇幾多次」(本人是有前科的，一連睇4、5次先好)
• 今晚，承佢貴言果然又返去啦，佢話「你一個禮拜病一次都唔係辦法ga wor」(嘩，醫生的咀咒!!)
  
• 除左寸咀，我同佢講野佢仲成日偷笑，隔著個口罩我都知佢笑wor，係咪激死我
• 「嘩你條甘藍」「我食喉糖呀」「食左喉糖舒服d啦」「其實唔會囉」(佢偷笑又唔回應wor)
  
• 「d藥眼訓架，日頭冇鼻水可以唔使食啦」「，我日頭好多鼻水wor」「好多呀？」「係呀，今日多到我聽唔到電話呀」(又偷笑) (佢會以為我是call 台職員嗎??)
  
• 有時候，我懷疑醫生因為好悶，所以特登唔開d一次就好既藥比我，等我定時返去陪佢玩

Vitaminwater

• 見完醫生，走去買d安慰品，最好的莫過於在我離開了不過兩週，回來就一下子由零變成舖天蓋地都賣緊既 glacéau vitaminwater
• 這個東西，簡直係出trip恩物，有營養唔甜又好味
  
• 不過兩星期，山腳那棟吉樓一下子就變成全棟三層的glaceau vitaminwater gallery，也真夠誇張 

  

• 原打算走去了解 (質問??) 一下香港版何解沒有我的multi-v lemonade，結果呢，人家晚上8時多已經關門了(註：相片攝於今早8時許)
• 於是走到士多，把有個"C"字的都買下。士多叔叔賣18蚊，建議零售價應為20蚊



• 香港版暫只有6款味道，而且made in korea，好奇怪
• 不過呢，現在週圍都買得到 (起碼我家就不論大小餐廳cafe士多都有)，不用再幫襯city super了，而且有建議零售價，都算好
• 當然，有埋multi-v lemonade先算完美