痛到死 (不是m痛)

• 早上在公司越坐膊頭同對腳就越痛，尤其大脾內側，痛到想切左佢。奇怪的是，喉嚨痛竟然舒緩了很多。
• 趁午飯時間去見醫師。上次診金超貴但一劑好的大醫師今日不在，唯有試下另一個。
• 往見醫師的那程小巴途中，屈住對腳辛苦到爆，痛到想一權打爆玻璃。
• 今次個醫師睇黎都唔少野，有個女學生跟佢(實習?)，兼翻譯。唔知因為病引致耳障定醫師唔係講緊國語/廣東話，我都唔知醫師講咩，全部靠女學生翻譯。
• 醫師最後突然用純正度達9成的廣東話同我講：戒口，淨係准食菜心同....少少瘦肉啦，魚都唔好食，魚都會喉嚨痕。
• ( !! )
• 本人「猛」開個口良久，醫師再用純正度達9成的廣東話同我講：要幾多劑藥?
• 本人繼續「猛」開個口，醫師話：3劑啦，戒埋口好快就好。
• 今次診金150，埋單330。上次診金230，埋單36x，兩劑藥。
• 對腳超痛，走起路來應該有d似小兒麻痺 (我不是歧視呀) ，打的回公司。
• 下午痛到上腰，喉嚨超乾。腰痛到我幾乎忘記了大脾痛。Scan野時想起，有左身孕的人的腰痛是否就是這樣？還是要再厲害一些？我現在已經好想「Pak」斷條腰，同打爆所有玻璃。
• 所以，我千萬千萬唔好生仔。我那微薄的愛加上濃厚的暴戾，痛起來應該會一權打走肚入面隻野，同附近的人肚入面條腸。
• 下班後飛車取藥，然後打的回家。腳又痛腰又痛仲開始流鼻水，想點。

----------------------

20:48 補充一下：

往取藥的途中我不住在想今晚吃什麼。

講你都唔信，靈魂已經昏死剩下肉體移動的我，居然不停想著 「Gaylord」。係不停地想著... 好可怕啊!

取藥後打的回家，一上車就睡死了。下車時覺得有錢人可以日日的士代步真係....命都長幾年......