這兩天，我極度忙碌。我坐在電腦前面睇住個死人(半張卡片大小的)座位表不停的左按右按，按到指頭開花。
然後呢，我的苛包被徹底清盤囉。
其實做咩事呢，幾個月的show咩事全部都要今個月買飛呢？我覺得，經過呢兩日的訓練，我簡直可以去urbtix同d亞姐搶飯碗囉。
維也納新年音樂會：世界首演復刻版
2009/12/31 星期四 下午 08:00 香港文化中心音樂廳 STAN $280
事緣月初泰遊前，本人的某個會籍寄來了有關的訂票優惠。基於本人最喜歡有得一齊玩的活動 (「維也納新年音樂會」，按傳統，觀眾是可以一起好大力的打拍子，HKPO LINK的07年版本，指揮仲會指埋觀眾一齊打…)，而且又最喜歡「優惠」，難得可以優惠地參與世界級的音樂會，即使人家未必有最頂尖的樂手過來 (最好的，留給自己家鄉的音樂會罷…)，都已經沒有錯過的理由啦。
結果，當然是遊完埠回來，一切都被忘記得一乾二凈。
然後，有一天 (其實是昨天…) ，我發現李雲迪又來香港。嘩，莫名其妙我好緊張囉，立即上URBTIX買飛 (真係好莫名其妙，連我自己都唔知自己鍾意李生，仲之就好緊張，你話幾驚)。點知，D位零零落落。12月1號先開賣，原來香港人是如此熱愛古典音樂，兩個星期VIOLIN個邊已經差不多沽清。作為貧民我又買唔落六百幾既飛，又唔想坐另外一面…
在唔甘心的情況下，我竟然因為「維也納新年音樂會：世界首演復刻版」的平飛仲有VIOLIN位而立時決定買飛!! 而所謂的「有位」，仲係前後排分開坐!!!! 而而而而而且，我其實一直都好疑惑，「世界首演復刻版」是什麼意思?????
我的疑惑，直到今天午飯小睡時，忽地「叮」一聲腦筋清晰了一下：「世界首演復刻版」，不就是A貨嗎死蠢。
這個音樂會，是HKPO自己做的翻版! 好恐怖!! 我們為什麼要老翻人家的傳統PARTY。HKPO要做，難道就不能夠做個香港新年音樂會嗎????
港樂．李雲迪音樂會
2010/02/05 星期五 下午 08:00 香港文化中心音樂廳 STAN $320
一想到自己被「昆」了，再次在唔甘心的情況下，再上URBTIX仔細地檢查那幅死人座位表。
不知何故，今天我的心態有輕微的調整，覺得CELLO那邊都可以接受吧，不過就好大機會要望住李生的「俊臉」(稍為諗下都好驚!!) 望唔到KEYBOARD囉 (不過睇現場其實邊有睇到KEYBOARD架，你估睇DVD嗎?!)。然後就發現其實CELLO一邊的中價飛，都有不錯既位置喎，就又毫不猶疑的買下兩張連位，心理立時 平! 衡! 晒! (簡直是財散人安樂的人板!!!!!)
DUO Eason Live in HK 2010
2010/03/24 星期三 下午 08:15 紅磡香港體育館 票價 : $480
MANHATTAN CREDIT CARDHOLDERS PRIORITY BOOKING今早9時開始。
不是第一次打信用卡優先訂票電話，但從來未試過甘難打。
上班的車程上9時正開始一直打，回到公司，嘩，全世界都打緊。
後來用手提電話打竟然回應是空號。嘩真係好驚，忽然間變左空號?! 網上預訂個網又"SERVICE UNAVAILABLE"，只好用公司電話繼續打，打到11點都無人成功。
11點幾 ，網頁開到啦!!!!! 仲係我自己開到囉，立即買。
理論上，我只會買週五六場，閒日我要早睡的。但世事邊有盡如人意，我開到個網但星期五尾場… 無晒囉!! 逐日試逐日試，結果買了星期三 ………………
我其實想講，最勁的，是全部同事的票，連同事朋友的票，都係由我代買的。
今日呢，我好勁。嘻嘻。
還有，我已經被徹底清盤，以後返工只能夠食13蚊車仔麵，放假去街只能夠食BURGER KING，最多加杯新地。
